“India van boruak humhalh nan Indian Air Force chuan Mid-Air-a Refuelling tur thlawhtheihna paruk lei an duh.”

Indian Air Force (IAF) chuan mid-air refueling atana thlawhtheihna paruk lei tum nawn leh an tum a, a hma kum 20 chhungin a hmaa vawi hnih an lo tum tawh chu a man chungchangah inrem lohna a awm avangin a hlawhchham a ni.

Defence sector-a official pawimawh tak takte chuan The Indian Express hnenah thla ruk chhungin Defense company lian ber berte hnen aṭangin bid an sawm dawn tih an sawi a, thlawhtheihna a thlawh laiin thlawhtheihna dang fuel pe thei tur thlawhna paruk lei tura ngenna an thawn chhuak dawn a, hei hi tanker tia koh an ni bawk.

Kum 2007 hnua IAF-in heng tanker te hi lei an tum vawi thumna a ni a, a hmaa vawi hnih an lo tum tawh chu a man chungchangah hian a inrawlhtute an inrem theih loh avangin tihtawp a ni.

Official-te chuan IAF hian tanker-a thlak theih tur thlawhna “pre-owned” paruk lei an duh thu an sawifiah. Heng thlawhnate hi siam danglam an tum a, chutiang chuan thlawhna dang fuel an pe thei dawn a ni. A tum ber chu heng tanker te hi kum 25 atanga kum 30 chhung service tir a ni.

Defence official pakhat chuan, “Kum thum atanga kum li chhungin khawvel company tam tak chuan an thlawhna model hlui zawk chu engine tha zawk nei tharin an thlak dawn a ni. Hei hian tanker-a thlak theih tur thlawhna hlui zawk a awm tawh dawn tihna a ni,” a ti.

IAF hian heng tanker te enkawl dan tur hi India company nen thawhdun an duh a ni.

Heng tanker te hi an neih veleh IAF tan nasa takin a pui dawn a ni. Fighter plane te chu boruakah rei zawk an dah thei dawn a, hei hi strategic reasons vangin a pawimawh hle. Heng tanker te hi IAF tan chuan thil hlu tak a ni dawn a ni.

IAF hian an training mamawh phuhruk nan ramdang company aṭangin tanker dang an lease dawn bawk a ni. Hemi atan hian an kalpui tan tawh a ni. Navy-te MiG-29K fighter plane-te tan pawh fuel pekna service ṭhenkhat an pe bawk.

Official pakhat chuan, “Hetiang tanker kan neih tak tak hma hian kum hnih atanga kum thum vel a la ngai mai thei. Hetihlai hian kan lease hi kan pilot-te zirtirna atan hman a ni ang. Mahse, hnathawh tak tak atan chuan kan hmang dawn lo,” a ti.

Tunah hian IAF hian Russian IIyushin-78 tanker paruk an nei a, kum 2003-04 khan an lei a ni. Mahse, engtik lai pawhin pathum emaw pali emaw chauhvin hna an thawk a ni. Kum 2017 atanga report an tihchhuahah chuan heng tanker te enkawl leh hman chhunzawm zel kawngah harsatna an tawk tih a tarlang. Cheng nuai 132 ve vein an lei a ni.

A chhan chu IAF hian thlawhna thlawh laia fuel dawng thei tur fighter plane thar siam chhuah an tum avangin tanker paruk dang an mamawh a ni. Hei hi squadron tlahniam zel tur siamṭhatna tura hun rei tak chhunga an ruahmannaah a tel a ni.

Airbus A330 multi-role tanker transport leh Ilyushin Il-78 te pahnih hian heng tanker te hi contract lak tumin an lo bei tawh a ni.

Nikum khan sorkar ta Hindustan Aeronautics Limited (HAL) chuan Israel Aerospace Industries (IAI) nen inremna an ziak a, Boeing-767 passenger thlawhtheihna chu India rama tanker-ah thlak a ni,” a ti.