Equalizer 3″ hi box office-ah Hit a ni
Equalizer 3″ hi box office-ah Hit a ni
Denzel Washington-a channa movie “Equalizer 3” chuan North America-ah sum a lalut nasa hle. $mtd 34.5 a lalut a, long weekend tawp lamah chuan $mtd 42 a tling phak dawn niin an sawi.
Tun nipui hi movie tan chuan a ropui hle. “Barbie” leh “Oppenheimer” te pawhin record an khum nasa hle. “Barbie” hian khawvel pumah $tld 1.36 chuang a lalut a, kum 2023 chhunga movie lian ber a ni.
“Equalizer 3” hi Hollywood actors-te’n contract dik tak an neih theih nan nawrh an huaihawt lai khan a chhuak a, theater-te pawhin fall season slow zawk an inbuatsaih lai a ni. Denzel Washington-a’n he movie promote-na nei lo mah se, series lar takah a tel avangin a ti ṭha hle.
Sony hian “Equalizer 3” hi theater tam takah an tichhuak a, IMAX pawh a tel. He movie siam nan hian $mtd 70 zet sen a ni a, critic leh entu aṭangin review ṭha tak a dawng.
Ram pawnah pawh a che tha hle a, $mtd 26.1 zet a lalut a, khawvel pumah a debut zawng zawng chu $mtd 60.6 a ni.
Pahnihnaah “Barbie” hian kar tawp chhung khan $mtd 10.6 zet a lalut a, U.S leh Canada-ah chuan a sum lakluh zawng zawng chu $mtd 609.5 a ni. Warner Bros. aṭanga “Blue Beetle” chu kar tawp vawi thumnaah $mtd 7.3 lalutin pathumna a ni a, a vaiin $mtd 56.6 a lalut.
Palina chu Sony film “Gran Turismo: Based on a True Story” a ni a, kar tawp khan $mtd 6.6 zet a lalut.
“Oppenheimer” chu pangana a ni a, $mtd 5.5 vel a lalut nia chhut a ni a, ram chhunga a sum lakluh zawng zawng chu $mtd 310.3 a tling a, khawvel puma a sum lakluh chu $mtd 851 a tling.
“Oppenheimer” pawh China-ah hawn a ni a, a che tha hle a, a ni nga chhungin $mtd 30.3 zet a lalut a, a tam zawk chu IMAX screen aṭanga lo chhuak a ni.
Tun nipui season-ah hian ticket hralhna aṭangin dollar tluklehdingawn 4 chuang a lalut a, hei hi movie industry tan chuan thil lian tak a ni a, a bik takin hripui leng hnuah. Kumin box office-a sum lakluh aṭanga a tam zawk hi summer season hian a luah ṭhin.
A pum puiin movie-ah hian summer nuam tak a ni a, hit lian tak tak leh mak tak tak a awm nual. Summer box office hi movie industry tan a pawimawh hle a, dollar tluklehdingawn 4 a tling pha hi a hriselna atana chhinchhiahna ṭha tak a ni.
1. “The Equalizer 3,” $34.5 million.
2. “Barbie,” $10.6 million.
3. “Blue Beetle,” $7.3 million.
4. “Gran Turismo: Based on a True Story,” $6.6 million.
5. “Oppenheimer,” $5.5 million.
6. “Teenage Mutant Ninja Turtles: Mutant Mayhem,” $4.8 million.
7. “Bottoms,” $3 million.
8. “Meg 2: The Trench,” $2.9 million.
9. “Strays,” $2.5 million.
10. “Talk to Me,” $1.8 million.
