Central sorkar chuan ‘One Nation, One Election’ neih theih dan tur ngaihtuah turin committee a din
Central sorkar chuan ‘One Nation, One Election’ neih theih dan tur ngaihtuah turin committee a din
Sorkar chuan president hlui Ram Nath Kovind kaihhruaina hnuaiah pawl a din a, kan rama inthlanna zawng zawng chu a ruala thleng vek tura ngaihtuahna zirchian a ni a, chu chu “hnam pakhat, inthlanna pakhat” an ti a ni. Hei hian Lok Sabha atana ram pum inthlanpui neih tur chu state inthlanpui hnaih zawka kalpui theih a ni tihna a ni thei.
Mr. Kovind hian he ngaihdan hian hna a thawk thei em tih leh, kum 1967 thlenga kan tih ang khan Lok Sabha leh state assembly inthlanpui neih ruala kan kir leh theih dan tur a chhui dawn a, mithiamte nen an inbia ang a, political party hrang hrang hruaitute hnenah pawh a dil mai thei bawk an ngaihdan te.
Sorkar chuan September 18 aṭanga 22 thlenga Parliament special session neih tur a puan aṭanga ni khat hnuah he thutlukna hi a siam a, mahse chu session-a an sawiho tur thupui dik tak erawh an la sawi chhuak lo.
#WATCH | Delhi: BJP national president JP Nadda meets former President Ram Nath Kovind, who will head a committee for 'One Nation, One Election'. https://t.co/lCrAKUbCxn pic.twitter.com/pMuEGKvICR
— ANI (@ANI) September 1, 2023
Kum 2014 atang khan Prime Minister Narendra Modi chuan inthlanna zawng zawng, tualchhung inthlanpui telin, inthlanna zawng zawng a ruala neih tumna hi a thlawp tlat a ni. Inthlan neih reng reng chu a man a to a, hmasawnna hna a tibuai a ni, a ti.
Kan president hlui Ram Nath Kovind pawhin Modi-a ngaihdan hi a pawm ve bawk. Kum 2018 khan Parliament-ah inthlanpui neih fo hian kan resources-ah pressure nasa tak a siam a, hmasawnna a tikhawtlai tih a sawi. Hemi chungchangah hian political party zawng zawngte sawiho leh inrem taka awm turin a duh a ni.
Tunah chuan Modi-a sorkar term hnihna a tawp dawn ta a, he ngaihdan hi hmalak a hun tawh niin an hria. Politics lamah a puih ngei an ring a, an khingpuite pawh mak a ti hle ang.
Tunah hian state panga – Mizoram, Madhya Pradesh, Chhattisgarh, Telangana, leh Rajasthan-ah November-December-ah inthlanpui neih a ni dawn a. Hemi hnu hian nakkum May-June chhung hian Lok Sabha inthlan neih tur a ni.
#WATCH | On 'One nation, One election', Union Parliamentary Affairs Minsiter Pralhad Joshi says "Right now, a committee has been constituted. A report of the committee will come out which be discussed. The Parliament is mature, and discussions will take place, there is no need to… pic.twitter.com/iITyAacPBq
— ANI (@ANI) September 1, 2023
Mahse tun hnaia sorkar hmalakna hian schedule a thlak danglam mai thei a, inthlan ṭhenkhat chu ruahman aia hmain an nei thei bawk. Andhra Pradesh, Odisha, Sikkim, leh Arunachal Pradesh-ah te pawh Lok Sabha inthlanpui neih rualin inthlan neih hun tur ruahman a ni bawk.
BJP (Bharatiya Janata Party) hian heng state-a hruaitu \henkhat nen hian inlaichinna \ha tak an nei a. Maharashtra leh Haryana, BJP-in an ṭangrual ramte nena thuneihna an neihna hmun, JMM-Congress ṭangrual pawlin an rorelna Jharkhand-ah pawh Lok Sabha inthlan zawhah inthlan an nei dawn a ni.
Tun hnai khan BJP president J P Nadda chuan Ram Nath Kovind a kawm a, he thupui hi sawipuiin, mahse an inbiakna kimchang erawh kan la nei lo.
