Supreme Court chuan AG, SG chu Article 370 case-a a inlan avanga J&K lecturer suspend chungchang ngaihtuah turin a ngen
Senior Advocate Kapil Sibal chuan SC bench hnenah Zahoor Ahmad Bhat chu Supreme Court-a a inlan aṭanga ni khat hnuah suspend a nih thu leh, Aug 25-a suspend tura thupek chhuah pawh hian a sawi tel tih a sawi.
Supreme Court chuan Thawhlehni khan Attorney General R Venkata Ramani leh Solicitor General Tushar Mehta te chu Srinagar-a sorkar school-a senior political science lecturer Zahoor Ahmad Bhat-a chu Article 370 tihtawp a nih avanga Supreme Court-a a inlan hnua suspend a nih dan enfiah turin a hriattir .
Senior Advocate Kapil Sibal-a’n he thu hi a sawi chhuah ṭumin, Chief Justice of India D Y Chandrachud kaihhruai, judge panga awmna Constitution bench chu Article 370-a inthlak danglamna dodalna petition-te ngaihtuah turin an pungkhawm a ni. Advocate Bhat hi August 23 khan Supreme Court-ah a inlan a, he thubuaiah hian petition thehluttute tan a inhnial a ni.
Sibal chuan Justice S K Kaul, Sanjeev Khanna, B R Gavai leh Surya Kant te pawh telna bench hnenah Bhat hi Supreme Court-a a inlan aṭanga ni khat hnuah suspend a nih thu leh August 25-a suspend tura thupek pawh hian a sawi tel tih a sawi.
SG Mehta chuan “Chanchinbu-a thuthang awmte hi thudik pum pui a ni lo mai thei” a ti. Chumi chu Sibal-a chuan, “Chanchinbu a\ang chauh a ni lo. Order ngei pawh, August 25, ka hnenah ka nei”.
Mehta chuan “thu dang pawh a awm bawk. Court hrang hrangah a inlan thin….” leh a chipchiar zawng zawng chu court hmaah a dah vek tur thu a sawi bawk. Sibal chuan, “Chuti a nih chuan suspend hmasa zawk tur a ni. Tunah hian engvangin nge? Hei hi a dik lo. Hei hi kan democracy kalphung a ni lo”.
Chumi hnuah CJI chuan Attorney General (AG) R Venkataramani hnenah, “Eng thil nge thleng tih hi han en teh. He court-a inlan tu emaw chu suspend a ni. A chhungah hian lo en ve teh. Lieutenant Governor nen inbia mai rawh.”
Chief Justice chuan “hei bakah hian thil dang a awm a nih chuan chu chu a danglam a ni” tiin a ngaihtuah belh a, “mahse, engvangin nge kan hmaa inlanna nena inzawm tlat!” Mehta erawh chuan chutiang thil tih chu phuba lakna atan a ni thei lo tih a sawi.
Justice Gavai chuan “argument leh order inkar hnai tak” chu a flag a, Mehta chuan “timing hi a dik lo tak zet a ni” a ti. Ka chibai a.”
“He lam hawi hi timing leh reference. Ka hre lo. Order ka la hmu lo. Mahse hetah hian a hmel lan dan sawina a awm a nih chuan harsatna tlem a awm a ni,” tiin Justice Kaul chuan a sawi belh bawk. AG leh SG te chuan he thil hi an enfiah ngei tur thu an tiam a ni.
